uiri et feminae

 

Iosephus Holmesius hic in Principiis id quae spiritalitas feminina appellatur dissertat. scilicet dicam quod ea quae prima spiritalitate feminina mouebatur erat ipsa Eua femina prima quippe quae illis uerbis adducta est: "nequaquam morte moriemini! scit enim Deus quod quocumque die ex eo manducaueritis aperientur oculi uestri et ut Deus sic eritis bonum et malum scientes." Iosephi dissertationi inest etiam alia bona pars in qua is dissertat quomodo uiri et feminae inter se differant: quod feminae quidem animo fidere magis solent et empatheticiores sunt et in hominum necessitudinibus magis concordiam et aequalitatem in loco primo ponunt uiri autem rationem animo et regulas empathiae et graduum systemata aequalitati antehabent. tamen in quadam parte is errat ubi monet ut res masculinae et femininae commisceantur uel in libramine habeantur. nam quod masculinum est eius est ducere.

res ecclesiasticae

 
synodalitatem nouissimam dissertat Robertus Matthaeus hic praesertim unde ea orta sit et Robertus Baro episcopus hic et Iosepus cardinalis Zen hic et hic.

Ioannes Zulsdorfus sacerdos eas litteras quas Arturus cardinalis Rochus ad collegas scripsit hic et hic dissertat.

Gregorius Pippius hic et hic earum litterarum quae "sacrosanctum concilium" appellantur abusum dissertat et quomodo ecclesia cathedralis Mantuana iconoclasmum nouissimum patiatur.

de archiepiscopis Neoeboracensibus cardinalibus Timotheo Dolano hic et Ioanne Concobaride hic.

Alcuinus Ridus sacerdos hic sanctam Missam dissertat: "quae res noua edita et specialiter fabricata ut 'homo modernus' modo pleno et fructifero participaret panacea summa fore modo aduertissamentali dicebatur ea res quam liturgiam modernam dico simpliciter sedes non impleuit" et "ritibus uetustioribus multo plura sunt quae ii dent."

Dominicus Grigius hic problemata quae hoc aeuo in ecclesia sunt dissertat: "homini fidem Catholicam colenti per Francisci papae pontificatum uiuere 'erat quasi paruulus abusum patiens esses et cotidie expergiscereris timens qualem abusum proximum passurus esses.'" et "quamquam Georgius Bergolius mortuus est (r.i.p.) tamen quae mala ecclesiae intulit ea mala animis et ecclesiae unitati etiamnunc perspicue minacia manent....ex iis qui cardinales et episcopi eius consiliis haereticis cooperabantur multi in principatibus manent; eius multae et erroribus plenae litterae nullam prouocationem passae manent."

de abusu etiam hic Andrea Matricalis.

et hic referuntur sententiae Alberici Volcae liturgias nouas "rudes et tritas" et Paulum papam VI increpantis. etiam Albericus dissertat quomodo progressiuistae omnia ex parte sua sed ex altera nihil tolerent et hanc thesin exponit quod si quid concilium Vaticanum secundum proposuit indifferentismus erat.

de feminismo sententiae nuper exhibitae

 

ex iis quae in natura feminina bona sunt aliqua hic Anna Burnia dissertat. praesertim quod cinegramma "ea uita mirabilis est" appellatur id cinegramma memorans de Maria Baiula dicit "semper operatur ad efficiendum ut ipsa illi [Georgio marito] portui salutari sit, ut ille domicilium habeat, ut ille sustentetur. numquam contendere conatur sed potius illi semper ardens et admirans adstat". 

aliqua autem quae mala sunt Hathira Donaldis hic memorat praecipue "quae ideologia iniustitiae passionem antehabet et hodie eorum qui in scholis tertiariis operantur partem magnam adducit et se obiectiuitati et rationi quippe quae uiri albi fabricauerint inimicam ostentat ea ideologia qualitatem femininam habet....nunc haud longum tempus est postquam ordo magistralis et pars discipularis et apparatus burellocraticus cuius pars maior feminina erat hanc sententiam amplexus est quod discipulorum 'salus' contra 'sermonem odii indicatiuum' qui illi periculosus esse dicebatur protegenda est. (uiri autem libertatem scholasticam et ueritatis quaesitionem sic antehabent ut non respiciant quomodo ullius animum inquisitio intellectualis afficere dicatur)....nunc etiam haud longum tempus est postquam scholae tertiariae claudebantur uel discipuli in dormitoriis ex regula contra morbum Couidicum imposita includebantur...haec qua omnis periculi toleratio amoueretur regula quippe qua detrimenta et emolumenta rationaliter librari non poterant in essentia feminina erat."

Helena Andreis de feminificatione hunc tractatum conscripsit. inter alia dicit quod ea quae uigilantia appellatur nihil aliud est quam morum femininorum pars, nam "omnibus iis quae uigilantiam putas inest femininum masculino antehabere: empathiam rationalitati, salutem periculi tolerationi, colligationem contentioni", quod ut in hoc libro dissertatur uiri quidem quisque ad ceteros tali modo qualis in bello prosit se gerunt feminae autem quisque ad ceteras tali modo qualis ad protegendos paruulos prosit se gerunt, quod "problema non est quod feminae quam uiri minus ingeniosae sint aut etiam quod actionis mutuae modi feminini ex ullo intellegendi modo obiectiuo deteriores sint sed est quod actionis mutuae modi feminini ad efficienda ea quae multis et magnis societatibus uel systematibus scopi sunt haud idonei sunt. 

Helenae tractatum sequens Anna Hinderscida hic scholas tertiarias dissertat.

Carola Gressa philosophiae doctrix librum nouum conscripsit. Carola de libro hic et hic loquitur. de Carola et eius libro est etiam hic tractatus.

Iudaei et supersessionismus

 

Ioannes Montius philosophiae doctor hic exponit quomodo de Iudaeis Thomas Aquinas alia et Ioannes Duns Scotus alia monuerit et memorat quod praeualuerunt ea quae Ioannes monuerat. tamen quod ad supersessionismum pertinet non intellego cur eum Ioannes Montius deneget sed Briani Henricidis sententias hic expositas antehabeo.

Mahumetismus et saecularismus: minae duplices

 

Sabatina Iacoba a Mahumetismo ad fidem Catholicam conuersa quae hunc librum conscripsit ut hic et hic refertur Mahumetismum dissertat praecipue quomodo Mahumetismus iis qui eum non colunt minax sit et quomodo in Europa duces non solum politici sed etiam ecclesiastici cultus Europaei et ipsorum Europaeorum impendio Mahumetistis faueant.

Georgius Vegellus autem quamquam ab eo de Russia etiamnunc dissentio tamen hic sapienter monet ut saecularismus caueatur.

Somali in Minnesota

exempli gratia hic refertur quod in Minnesota Somali locis ubi paruulorum curam simularent usi sunt ut pecuniam a politia adipiscerentur. de hac re praecipue memoria digna est haec dissertatio in qua Aiana Hirsia Alia Somala argumentatur quod Somalis in ipsa Somalia mos est gentem populo et ciuitati et ceteris rebus antehabere et quod hunc morem Somali quando ex Somalia in alias terras se transferunt secum afferunt et quod ex hoc more Somali putant politiam esse opum fontem e quo quam plurima sibi raperent.

Somalorum fraudem etiam hic Ioannes Cassarus dissertat. de fraude generaliter quoque multa dicit.

Donaldi Trumpi consilia et Nicolai Maduri captiuitas

 

edidit Donaldus Trumpus has litteras in quibus de harum ciuitatum foederatarum salute potentiaque et quomodo has ad alias ciuitates se habere oporteat exponit quid efficere uelit et quomodo efficere in animo habeat. 

illas autem litteras et Nicolai Maduri captiuitatem et quomodo eius captiuitas ad illas litteras pertineat in Principiis hic R. R. Reno dissertat.

institutio liberalis

Veronicae Oldamae in Anglia praeceptricis sententiae hic referuntur cur lingua Latina discenda sit praecipue quia homines in cogitando instituat et ad intellegendas alias linguas adiuuet et ad cultus Romani et humani scientiam ferat.

in Principiis in hoc tractatu Petrus Leotardus dissertat qualis sit praeceptor et discipulus, ex qua dissertatione ego praeceptor hoc memoro: "necesse est ut praeceptor 'longaeuus' nonnullis rebus quas homo facere potest et in quas homo fingi potest ac quas discipuli etiamnunc eligere possunt moriatur. praeceptor in dilectione qua se immolet se durat et lusum puerilem abdicat et efficit ut quod certamen de uita et morte pro ueritate ipse agit id certamen discipuli gustent."

hoc aeuo quo rogatur utrum res memoriae mandare utile sit ex hoc tractatu hanc sententiam consideratione dignissimam arbitratus sum: "nisi nos [praeceptores] eorum [discipulorum] mentes rebus ueris impleuerimus res fictae se inferent."

 

quid sanctus Ioannes Henricus Neandrinus de scholis tertiariis putauerit hic dissertatur praecipue quod earum causa finalis est discipulos non ad munera parare sed ita instituere ut scientiam latam et cogitandi facultatem habeant. fortasse discipuli ita instituti, ut in hoc tractatu exponitur, contra intellegentiam artificialem in muneribus superstites esse maxime poterunt.

quid Leo papa XIV de institutione putet hic dissertatur praecipue quod institutione homines non ad consilia utilitarianistica sed ad res caelestes uertendi sunt.

ex hoc tractatu hanc sententiam memoro quod in praeceptorum formatione oportet duces scholasticos amicitiam spiritalem antehabere.

de intellectu et quomodo in eo homines inter se differant est hic tractatus.

Iacobus Saeuus et Hieronymus Carolus

 

Iacobus Saeuus hic dissertat quam pauca munera in scholis tertiariis et in iis quae media dicuntur ii qui generis albi esse dicuntur uiri his decem fere annis adepti sint.

ad Iacobum autem Hieronymus Carolus hic respondens argumentatur illud ab Iacobo dissertatum problema iis quarum indicium Iacobus dat rebus maius esse et Iacobum neque ex sententiis suis omnes conclusiones possibiles deducere neque ab systematibus progressiuisticis se liberare.

etiam ad Iacobum Brito Cupera hic respondet.

filioque

Michael Folius philosophiae doctor hic argumentatur quod symbolum Latinum "filioque" habens et symbolum Graecum non habens cum eorum sententiarum uerba et syntaxis considerantur inter se contraria non esse uidentur. etiam memoratur hic tractatus Marci Bonicordis.

idem uerbum Romanus Thomades sacerdos et sacrarum litterarum doctor (s.l.d. ?) hic dissertat.

progressiuismus et quae res ad paruulos pertinent

 
efficiendo ut paruuli cutis colorem maereant Sara Stalicra legislatrix ut hic (cf. hic) refertur fauet. hic autem referuntur alia consilia quae ad scholas publicas pertinent.

ridendi causa

 

quas res in hoc tractatu Hilaria Alba dissertat eae res quidem graues sunt sed Hilariae genus dicendi me afficit ut rideam.

aemulatio

Alexander Petcas in Principiis hic praesertim Aristotelem (in arte rhetorica 2.11) sequens aemulationem et quomodo eam Plutarchus exempli gratia in Periclis uita foueat dissertat.

Margarita Talor Viridis

 

dissertatur hic Margarita Talor Viridis legislatrix quae--eheu--mensis Ianuarii die quinto a domo legislatoria discedet. Michael Parrottus argumentatur quod Margarita discedere coacta est propterea quod contra has duas regulas egerit: "argentariae corde toto et anima tota et mente tota reddes" et "Israelem sicut te diliges".

inscriptiones Latinae

 

imponit Ioannes Zulsdorfus sacerdos hic et hic et hic et hic et hic.

scientiae mathematicae et technologicae

in Principiis hic ut scientiae mathematicae et technologicae reficiantur Dorianus Abbas has quinque res suadet: primum ut in philosophia metaphysica et anthropologia ueritas colatur secundum ut eius quae "uigilantia" appellatur fautores ex muneribus expellantur tertium ut ea uigilantia ipsa expellatur quartum qualis indagatio ex ipsa admiratione oritur talis indagatio colatur quintum ut ii qui extra has ciuitates foederatas in scientiis mathematicis et technologicis optimi sunt hic benigne suscipiantur. Doriano autem dicere uelim "de parte prima secunda tertia quarta sed non de quinta tibi consentio. nam quod ad discipulorum admissionem attinet, existimo ciues nostros antehabendos esse. etiam nos oportet Sinarum ciues in uniuersitates nostras non suscipere. pars enim communistica Sinensis sunt nobis hostes ueri; omnes autem Sinarum ciues pro parte communistica agere uel acturi esse existimandi sunt; nos autem oportet hostes non erudire."

Germania et Sinae

ii qui Germaniae politiam regunt, ut Andreas Lombardus hic et hic refert, graues non sunt. ii autem qui Sinarum politiam regunt, ut hic et hic et hic refertur, grauissimi sunt.

Iosephus Striculandus iterum et alii ad episcopos scribentes

 

Carilla Collimera quidem hic ubi illas Iosephi Striculandi episcopi sententias a me Latine heri impositas memorat episcopos uerbis quoque propriis uituperat.

Nicolai Bucis autem sacerdotis epistolam ad Blasium cardinalem Cupichum intensam Ioannes Zulsdorfus sacerdos hic exhibet.

hominis ignoti autem epistola ad Michaelem Martinum episcopum intensa hic in eo blogo qui "Rorate caeli" dicitur exhibetur.

Iosephi Striculandi sententiae praesertim ad episcopos

 
Iosephus Striculandus episcopus hic "Leoni papae et episcopis et omnibus iis qui se Iesu Christi discipulos esse profitentur" dicit:

quam diu inter duos dominos morabimini? si creditis Christum dominum esse, ideo eum sequimini! si autem mundus dominus uester est ideo ad eum ite! uerum desinite Christi sanctuarium polluere dum eius crucem proditis!

o episcopi, a ludis DESISTITE! a mendaciis DESISTITE. a paruulis oculos uestros auertere DESISTITE! molarum aceruus ingens accumulatus et paratus uobis distribui potest. est Leoni quidem papae una curiae autem Vaticanae tanta multitudo quae plaustro portetur multo maiori autem parti eorum qui hodie apostolorum munera tradita obtinent tanta multitudo qua naues onerariae impleantur.

quomodo haec uerba dicere audeo, quomodo hos ecclesiae principes iudicare audeo? immo, o fratres, QVOMODO AVDETIS paruulis iterum atque iterum nocere??

nam paruulis nocetis quando facitis ut Iesu Christi sacrificium sacrum quae sancta Missa est sit ornamentum nugale uel frustum quo consilia mundana capientes paciscamini uel crepido qua haeresin uomatis et cum mundo ludum eroticum quasi pedibus agatis.

paruulis nocetis quando quales homines se duos peccato inuolutos habent tales homines suscipitis et eorum uitas tristes conturbatasque ostentatis et ubi occasionem uocandorum eorum ut in Iesu Christo metanoeam agant non adhibetis ibi de rebus nugalibus modo familiari colloquium agitis et in quantum benigni putamini in tantum laudamini. eos etiam in sanctuarium sacrum suscipitis et eorum peccati stercus uelamine benedictionis cooperitis.

paruulis nocetis quando horas in confabulationibus consumitis ut de hoc uocabulo uel de illa dictione modo nugali disputetis dum eos mundus magis deorsum in tenebras desperationemque ducit. paruuli autem clamant "ubi est spes?" sed non obseruantur.

paruulis nocetis quando legum reiectioni fauetis et a raptibus homicidiis impetibus eorum qui scelesti et nefarii trans patentes limites tam facile quasi saltantes ambulant oculos uestros auertitis. ex paruulis nonnulli uitam meliorem quaerentes in his multitudinum migrationibus corripiuntur et calcantur. ex paruulis nonnulli inueniunt quod domus suae et oppida iis qui iniuste aduenerunt implentur dum pastores dicunt "nos oportet hominem extraneum suscipere" et tum hominibus praedatoriis et scelestis frenos dant.

nos omnes oportet Iesum Christum sicut dominum quaerere et eum nos ad metanoeam uocantem exaudire. nos oportet mundi rebus prauis negare et ueritatis lucem ad omnes mundi angulos tenebrosos afferre. nos oportet ei legum reiectioni qua oculi a peccato auertantur negare. nos oportet credere Iesum dominum esse. nos oportet pastores esse.

Christianorum persecutio in Nigeria

 

in Principiis hic et apud Britibartum hic etiam hic et hic refertur quomodo Christiani in Nigeria persecutionem patiantur. tamen, ut hic refertur, Petrus cardinalis Parolinus negat quod in Christianos quippe qui Christiani sunt impetus fiunt. Petri Parolini autem cogitatio erronea hic quoque praesertim de Venetiola dissertatur.

Zoranus Mandanius iterum

 

quomodo Zoranus uicerit aliam analysin Ioannes Cycchamus hic in Principiis exhibet. in ea analysi hanc thesin memoro quod quaedam quae praecipua Zoranus proponebat talia sunt qualia non praesertim hominibus inopibus sed potius iis qui se illa merere putant prosint.

interim, ut hic apud 39:55-40:05 exhibetur, is socialista iam pecuniam petit.

augmentum oeconomicum et redistributio

 
in Principiis in hoc tractatu proponitur haec argumentatio primum quod quando aetatibus prioribus ante tempora moderna nullum erat augmentum oeconomicum tum contra inopiam remedium solum erat redistributio secundum quod temporibus modernis quibus est augmentum oeconomicum contra inopiam remedium aliud existimatur agi posse quod est efficere ut homines inopes ex augmento oeconomico opem accipiant tertium quod ex pontificibus summis modernis Leo XIII et Ioannes Paulus II soli hoc remedium suaserunt sed ceteri redistributionem suadere perseuerant.

quomodo Sidinia Suinia ad interrogatricem responderit

quod hic Amala Ecpunobia dissertat, Sidinia Suinia ad interrogatricem respondet "puto quod quando mihi est res de qua loqui uelim tum homines audient."

quomodo paruuli male educentur

de eo quod hac aetate homines adulti nec paruulos ex normis sublimibus iudicare nec paruulis negare solent est tractatus hic et hic.

quomodo--eheu--Zoranus Mandanius uicerit

in hac Britibarti pagina consideratur quas populi partes Zoranus Mandanius sibi conciliauerit ita ut et socialista et Mahumetista miseram ubi natus sum urbem ducturus sit. proponitur haec analysis quod Zorano fauerunt hae duae populi partes quarum altera operarii sunt altera (cf. hic) ii sunt qui in scholis tertiariis instituti et muneribus intellectualibus fungentes haud magnam mercedem accipiunt quae partes ambae propterea quod necessariarum uel ad uitam uel ad quendam uitae modum rerum pretia ferre non possunt magnopere patiuntur.

homines qui in has ciuitates foederatas contra legem uenerunt

de iis qui in has ciuitates foederatas contra legem uenerunt apud Britibartum refertur primum hic quod eorum qui in custodiam apprehensi sunt maior pars scelera egerunt aut scelera egisse putantur secundum hic quod populi Americani quattuor partes decimae putant eos qui contra legem uenerunt sed nulla alia scelera egerunt expellendos esse tertium hic quod in Texia milia hominum qui in has ciuitates foederatas contra legem uenerunt in matriculis suffragatoriis inuenti sunt. 

Rugluca Genia Alexandram Occasiam Curtesiam uincit

 

Rugluca Genia feminarum defenstrix ut hic refertur de Alexandra Occasia Curtesia et Bernardo Alexandride et Zorano Mandanio hic dixit "ab iis qui inter nos sunt delemur." ergo Alexandra hic respondens et Ruglucae detrahere conans memorauit Ruglucam inter natatrices Americanas locum quintum tenuisse...quasi in populo 3x10^8 hominum locus quintus non esset laudabilis! quod ipsa Rugluca quoque dixit. porro cum Alexandra ab Rugluca ad disputationem prouocata hic respondisset "atque hanc hominem ad munus uerum adipiscendum prouocare uelim" Rugluca hic dicens "munus uerum habeo. nam mater sum" iterum uicit. utinam Rugluca floreat!

gentis Polonae gloria

 

in sancti Ioannis Cantii honorem carmen quod Gregorius Pippius hic refert.

gentis Polonae gloria

clerique splendor nobilis

decus Lycaei et patriae

pater, Ioannes inclite.

legem superni numinis

doces magister et facis.

nil scire potest; sedulo

legem nitamur exsequi.

apostolorum limina

pedes uiator uisitas;

ad patriam ad quam tendimus

gressus uiamque dirige.

urbem petis Ierusalem;

signata sacro sanguine

Christi colis uestigia

rigasque fusis fletibus.

acerba Christi uulnera,

haerete nostris cordibus

ut cogitemus consequi

redemptionis pretium.

te prona mundi machina,

clemens, adoret, Trinitas,

et nos noui per gratiam

nouum canamus canticum.

noui sancti et Venetiola

hic dissertantur septem homines qui nunc sancti dicuntur. ex iis duo Venetiolani sunt. de Venetiola quaedam hic referuntur. 

quam sanctam Missam Pius papa V iussit

 

ut Ioannes Zulsdorfus sacerdos et Eduardus Feser philosophiae doctor referunt, ii qui Pii papae V sanctam Missam frequentant orthodoxiam colere magis solent. porro, ut Eduardus dicit, illa est causa cur quidam Pii papae V sanctam Missam aboleri uelint.

hic autem est exemplum eorum quae Pii papae V sanctae Missae fautores putant. ea quae in illo exemplo repudiantur ego quoque repudio. 

Ciarae Equiticae risus

quomodo Ciara Equitica ad propositam de Ioanna Rolanda quaestionem responderit, et quomodo ad Ciaram progressiuistae furentes responderint, Brito Cupera hic et Iosias qui se surgere dicit hic. 

discipuli et intellegentia artificialis

Ceadda Angloterraeus philosophiae doctor hic dissertat cur discipulos oporteat intellegentia artificiali non uti, uel, ut ipse dicit, "re uera agitur non de respuenda intellegentia artificiali sed de suscipiendo eo quod est uere cogitandi artem alere."

institutio liberalis

huius tractatus sententia praecipua: "homines non efficientiae sed excellentiae causa constituuntur."

Talor Celeris

non quod Talori Celeri faueam sed quod ea feminarum Americanarum exemplo est et quod progressiuistae furore afficiuntur ideo hoc et hoc memoro.

tres minarum species

 

Mahumetistae quidem qui impetum fecit hic eorum autem qui prauitati sexuali fauent hic socialistae autem qui Noui Eboraci principatum petit hic sententiae et opera referuntur.

de Mahumetismo sententiae et loquendi libertas

 

de Custodio Ballestri sacerdote Hispano hic et hic refertur quod is propter quaedam quae de Mahumetismo dixit e.g. "Mahumetismus dialogum non permittit. nam aut credis aut infidelis es qui quolibet modo subiiciendus sis" fortasse punietur. tamen ea quae is de Mahumetismo dixit uera sunt.

opera memorata

Gregorius Pippius hic duos libros dissertat.

Timotheus Flandrianus hic quae opera de iudicando papa Ioanne Paulo II optima esse sed tamen uitium magnum habere existimat ea opera memorat.

in eo blogo qui "Rorate caeli" dicitur hic est Pauli Vincentini de Vladimiro Lenino tractatus.

Marxismus in scholis

Catharina Christina hic in Principiis refert.

ecclesia monasterii Cluniacensis

 

Gregorius Pippius hic hunc tractatum cinematicum laudat.

miracula Eucharistica

aliquid historiae hic Matthaeus Plesius narrat.

nouiora de quibusdam rebus nuper factis

 

qui pueri puellam in apodyterio suo esse nolebant ii pueri hic dissertantur.

is qui Irenam Zarutiam interfecisse dicitur hic dissertatur.

illa progressiuistria quae dixit "uigilium ciuilium non est efficere ut scelera non fiant" etiam hic refertur aliam sententiam scilicet sapientia plenam edidisse "quod aliquis scelus fecit non ideo is scelerator fit."

de morum speciebus

quibus methodis hominum mores in species diuiduntur earum methodorum historiam Laurula Clerica hic narrat. tamen admiror cur ea dum quaedam nugalia iudicata esse dicit astrologiam nugalem non dicat...

est etiam haec indagatio ostendens quod utrum homo interuersicius an extrauersicius sit id ab sanguinis fluxu originem habet.

Patricii Buchanani sententiae

 

qualia uectigalia rebus extra patriam factis imponuntur de talibus uectigalibus quae in his ciuitatibus foederatis adhibita sunt Patricius Buchananus hic theses proponit.

cultus occidentalis

 

ex iis quae de cultu occidentali Robertus Regalis hic dicit haec praecipue noto: primum thesin quod cultus occidentalis in ducum ecclesiasticorum et politicorum diuisione ab imperio Constantinopolitano discessit secundum quomodo Franciscus Victorianus legem naturalem de Americanis aboriginalibus adhibuerit.

Dianae Montanae opera

 

Diana Montana et Gerhardus cardinalis Molinarius hic colloquium agunt.

Diana hic epistolam ad Leonem papam XIV scriptam refert. epistolae me adscribo.

Irena Zarutia et Carolus Cyriacus

 

eos dissertat Scotus Ventureus hic: quod is qui Irenam interfecit quattuordecies in custodiam publicam comprehensus erat; quomodo ad Irenam interfectam et Georgium Floedum interfectum homines reactiones dissimiles egerint; quod ii qui in mundo ordines altissimos obtinent plerique haudquaquam omnes homines curant sed sceleratis fauent.

ea quae uigilantia appellatur et Catharismus

Eduardus Feser philosophiae doctor hic scribit.

nuper facta et dicta

 

ex Principiis excerpta: 

Carolus Verus hic de transgenerismo et eius euentibus fautoribusque

Gregorius Comes hic de eius quae uigilantia appellatur specie noua

Vilda Vesta Blanca hic de feminarum eudaemonia et sanitate mentali

aliunde:

hic de Irenae Zarutiae nece et quomodo ea referatur

de hoc quomodo progressiuistae res nuper factas referant, Anna Bernarda hic eius quod "CNN" appellatur imaginem habet, et in Temporibus Neoeboracensibus huius tituli similitudo uideri potest.

progressiuistria quidem hic refertur dixisse "clare loqui uolo quod quasi uigilium ciuilium non est efficere ut scelera non fiant. sed uigiles ciuiles scelera euestigant, nonne?" iudex autem hic dicit se quippe qui in biologia gradum scholasticum non habeat non intellegere quid iis uerbis quae sunt "homines femininae et adultae" significetur. propter quae uociferanter rideo!

res ueteres et nouae in rebus supernaturalibus et naturalibus

dissertantur in hoc tractatu quidem hominis moderni uitia in hoc tractatu autem professores qui "cognouerunt homini moderno necessaria esse haec quae sunt ad principia redire et ea iterum admirari discere ut salutarem institutionem et philosophiam et tandem cultum humanitatis is restituat." 

in eo blogo qui "Rorate caeli" appellatur hic tractatus initium de rebus liturgicis facit quomodo uetera reiecta sint sed mihi maxime animum tenent eae partes in quibus affirmatur quod ecclesia et ii qui in ea sunt non eo quod se mundo similes faciant mundum uincere uel conuertere possunt. de eo periculo ne ecclesia et ii qui in ea sunt uiam idoneam amittant est etiam hic tractatus Ioannis Zulsdorfi sacerdotis. hic autem in Principiis Ludouicus Boffus sacerdos episcopis Americae mediae et australis dicit eos illam uiam amisisse et eos rogat "quo tandem ecclesiam nostram ducere in animo habetis?"

 

aliqua quae Paulus papa VI de rebus liturgicis dixit hic referuntur. anno 1969 mensis Nouembris die 26 dixit "id hic est quod nouitas maxima uidebitur quae est linguae nouitas. nam non iam lingua Latina sed uulgaris erit Missae lingua principalis....abalienamus aliquid dignius quam ut eius pretium enumerari possit. sed cur? quid est carius quam haec sublimissima eorum quae in ecclesia nostra cara sunt?....precis intellectio uestibus Sericis quibus regaliter uestitur maioris habenda est. plebis participatio maioris habenda est--praesertim plebis modernae sermonem humilem qui facile intellegatur et in sermonem quotidianum conuertatur sic amantis". quae autem sententiae mihi referunt quasdam sententias eius Moderatoris qui in fabula "Mundo Forti et Nouo" cum Viro Rudi de Gulielmi Saxperii opere loquitur:

"sed cur id uetatur?" Vir Rudis rogauit. nam uiro qui Saxperium legerat obuio facto Viri Rudis animus excitatus erat, atque animo sic excitato Vir Rudis id temporis ceterarum rerum oblitus erat.

Moderator autem umeris motis dixit "propterea quod id uetus est, quae est causa praecipua. hic nobis rebus ueteribus haudquaquam opus est."

"etiam ubi pulchrae sunt?"

"praesertim ubi pulchrae sunt. nam pulchritudo ad se allicit, et uolumus non homines ad uetera allici sed iis noua placere."

"sed noua tam nugalia et horribilia sunt: illa dramata in quibus nihil est nisi helicopteri uolitantes, et homines osculantes sentis." os distorsit. "caprae et simiae!" solummodo per Othelli uerba modum quo contemptionem et odium satis exprimeret inuenire poterat.

"utcumque animalia iucunde domita" Moderator parenthetice murmurauit.

de lege naturali

 

id quod hic Marius Alexius Portella sacerdos memorat, Marcus Tullius Cicero pro Milone loquens dicit "est igitur haec, iudices, non scripta sed nata lex quam non didicimus accepimus legimus uerum ex natura ipsa arripuimus hausimus expressimus ad quam non docti sed facti non instituti sed imbuti sumus" (10).

de manducando et comedendo

 

ut hic mihi innotuit sanctus Thomas Aquinas sanctae Missae uerba dissertans dicit "quod autem dicitur 'manducate' et non 'comedite' non differt quantum ad sensum" (summa theologiae IIIa.83.4).

martyres

 

de Americae septentrionalis martyribus hic.

de aliquibus quos Nazistae interfecerunt hic et hic.

Ricardus Cipolla sacerdos de sancto Ioanne Henrico Neandrino

 

Ricardus Cipolla sacerdos hic in eo blogo qui "Rorate caeli dicitur" sententias de sancto Ioanne Henrico Neandrino et de iis annis qui concilium Vaticanum secundum secuti sunt et de iis uocabulis quae sunt liberalista et conseruatista exponit.

concilium Vaticanum secundum et Missa noua

 

monstratur hic et hic et hic quod haudquaquam ex uoluntate eorum qui concilio Vaticano secundo inerant Missa noua constituta est.

intellegentia artificialis

 

intellegentiae artificialis usus hic refertur.

de intellegentiae artificialis usu indagatio hic memoratur.

aliqua problemata quae intellegentia artificialis iam genuit uel fortasse gignet hic dissertantur.

in Principiis hic Hieronymus Adamides dissertat quomodo discipuli intellegentia artificiali mutentur.

diuortium

 

Leila Molinaria hic quaedam quae fortasse nonnulli obliuisci mauelint memorat.

Arianismus

Dauid Torcintonius hic hanc thesin proponit quod aeuo antiquo homines Arianismum suscipiebant propterea quod iis qui res mundanas antehabebant haudquaquam placebat deus qui postularet ut ipsi res mundanas posthaberent.

huius aeui problemata

 

Mariae Harrintoniae sententias Ioannes Zulsdorfus sacerdos hic refert praesertim quod ratiocinandi et intendendi animi potentiae qualia cinematia phonis et interreti spectari possunt talibus cinematiis debilitantur.

hic dissertatur ea moderatorum oligarchia quae nunc regit qualis sit: technocratica et materialistica et utopica et cosmopolitanistica et humanitati contraria.

duo Sinarum ciues hic referuntur inferendi teli agroterroristici accusari.

quomodo praeceptorum societas peruersa sit hic refertur.

de promittendo et pollicendo

Crombius in Gymnasio collegit has Ciceronis sententias per quas patet quid inter promittendum et pollicendum intersit:

Cicero ad Caesarem in epistola dicit "neque mehercule minus ei prolixe de tua uoluntate promisi quam eram solitus de mea polliceri."

Cicero in oratione pro Plancio dicit "nihil tibi ego tum de meis opibus pollicebar sed de horum erga me beneuolentia promittebam."

ergo, ut Crombius dicit, et promittere et polliceri exspectationem habent sed polliceri solum fidem dat. nam Cicero fidem dare potest non de alio sed solum de se. scilicet fieri potest et ut aliquis aliquid de se promittat. tamen id quod Crombius dicit non pro certo habeo. nam exempli gratia memoratur hic haec sententia de Iesu Christo "qui latroni deprecanti omisit delictum, promittens ei uoluntate gratissima paradisum" et hic et hic haec sententia in qua homo a Deo petit "id desiderare quod promittis." 

Crombius dicit etiam id quod aliquis promittat saepius bonum esse, sed fieri posse ut aliquis malum promittat, ut Vergilius in Aeneidos libro secundo: "promisi ultorem et uerbis odia aspera moui." id autem quod aliquis polliceatur bonum semper esse.

sanctae Mariae Bernardae et cuiusdam hominis uisitantis dialogus

 

ut in hoc libro refertur et in eo blogo qui "Rorate caeli" dicitur Anglice redditur:

HOMO VISITANS: accepistine in grotta Lordana aut postea ullas reuelationes quae ad Franciae tempus futurum et fatum pertinent? nonne uirgo beata ullam monitionem Franciae uel ullas minas rettulit?

MARIA BERNARDA: neque accepi nec rettulit.

HOMO VISITANS: nonne quod Borussi portis nostris adsunt ideo sic moueris ut timeas?   

MARIA BERNARDA: nullatenus timeo.

HOMO VISITANS: ergo nihil est quod timeatur?

MARIA BERNARDA: timeo solos eos qui fidem Catholicam male colunt.  

HOMO VISITANS: nihil aliud times?

MARIA BERNARDA: nihil aliud timeo.

"Amoris laetitia" etiamnunc

 

Brianus Harrison sacerdos in hac epistola quam ad Leonem papam XIV scripsit bene exponit quid de iis litteris quae "Amoris laetitia" appellantur sit problema.

quid hodie fecerim

hodie iter faciens ut libros dominum priorem habentes emerem scholam in qua Nathanus Halus docuit inueni.

Nathanus Halus in hac ciuitate Connecticutensi anno Domini 1755 natus et gradu in uniuersitate scholarium Ialia mea donatus munere praeceptorio fungebatur priusquam militabat. ab Anglis moriturus dixit "me huius solius paenitet quod unam uitam solam pro patria amittendam habeo." 

Mariani Elegantis episcopi et Roberti Matthaei sententiae

 

Marianus Elegans episcopus cuius sententiae de synodo hic et de litteris titulo "episcopo Romano" hic referuntur in colloquio hic imposito de immigratione et Mahumetismo loquens inter alia dicit "Mahumetismus fidei Christianae contraria religio est....Mahumetismus simul etiam regendi systema est et fidei Christianae libertatique minatur....ubicumque Mahumetismus regit fides Christiana supprimitur" et "ii [Mahumetistae] quo studiosiores sunt eo magis Alcoranum et legem Mahumetanam in politia adhibere cupiunt. ea cupido pars Mahumetismi uera est. ea non Mahumetismi ad res politicas redacti sed ipsius Mahumetismi est."

de libertate autem Robertus Matthaeus hic in eo blogo qui "Rorate caeli" dicitur refert quomodo hic blogus Italicus demptus restitutus sit, et quomodo ecclesiae libertas in iis regionibus et in eo cultu qui occidentalis dicitur sed non alibi protegatur.

tela atomica

huius tractatus, quem Bernardus Costa sacerdos de telis atomicis scripsit, aliquae partes hic Anglice redditae sunt.

domina nostra

 

de domina nostra amnis lupi hic tractatus utilis est.

Antonius Nebrissensis in dictionario ex Catalano in Latinum sermonem: "Guadalupe. amnis lupi."

eorum quae in Asia occidentali fiunt analyses

hic et hic.

quaedam Iosepho Baedine praeside facta

 

quid Iosephi Baedinis praesidis ministri de parentibus et fidei Catholicae cultoribus fecerint hic et hic refertur.

Michael Ludouicus et Iacobus Martinus sacerdos

 

Petrus Quasneuius philosophiae doctor hic dicit hanc esse "Michaelis Ludouici obruitionem definitiuam."

a Laurentio Chappo philosophiae doctore scriptum est hic id quod Iacobi Martini sacerdotis obruitionem definitiuam dicam.

scholae tertiariae in his ciuitatibus foederatis

 

ad illas uniuersitates quas frequentaui defendendas, non omnibus iis quae de illis Randallus Faber in hoc tractatu dicit uel dicere uult faueo sed postulo ut ubi illarum pretium dissertatur ibi etiam hae quaestiones tractentur quot discipuli totum pretium soluant quantam pecuniam discipuli re uera insumant et cetera. tamen Randalli tractatum magni facio propterea quod is duo problemata quibus pleraeque scholae tertiariae in his ciuitatibus foederatis corrumpuntur memorat primum quod in scholis tertiariis numerus eorum qui muneribus non ad docendum pertinentibus funguntur magnopere auctus est secundum quod nimia pecunia rebus athleticis insumitur. quae magna pecunia etiam huius maioris problematis signo est quod in populi Americani moribus res athleticae nimii habentur.

phantasiae ultimae quintae carmina

 

omnia hic sunt.

phantasiae ultimae sextae carmina

characteris medii carmen uniuox hic quidem et hic Italice canitur hic autem clauicinio agitur hic autem technoice redditur.

Rachelae perpetuae carmen hic et hic et hic est.

Terrae carmen modo quidem symphoniaco hic et hic et hic et hic technoice autem hic et hic est. 

Cyani carmen hic et hic et hic est. 

Relmae carmen hic et hic et hic est.

Vmbrae carmen hic et hic est.

Stragonis carmen hic est.

saltatio furiosa hic et hic et hic est. 

pannus spinaciatus hic est.

alterius bestiarum mundi carmen hic et hic est. 

siluae phantasmaticae carmen hic est.

omnia carmina hic sunt.

quid in Polonia fiat

 

politiae Polonicae duces, ut hic (cf. hic) refertur, pontificis summi ministro questi sunt propterea quod existimant quod episcopi Polonici quaedam dicentes "faciunt ut Poloni Germanique alteri ad alteros minus beneuole agant et politiam calumniantur et clare ostendunt se societatibus nationalisticis fauere."

Georgius Vegellus hic hanc theologi sententiam memorat:"quae libertatis sententia in Poloniam aetatis mediae parte summa uenit ea erat sententia Gulielmi Occami quod libertas est simpliciter ex uoluntate agere potius quam Thomae Aquinatis quod libertas ueritate limitatur et bonitati seruit et ratione ducitur."

sacerdos rem acu tangit

 

ea quae Vinfridus Abellus sacerdos in hac epistola de ecclesia Fuldensi dicit de aliis quoque ecclesiis uera sunt. 

inter alia haec dicit.

"estne necesse ut sinamus 'scientias humanas' modernas nobis rerum creatarum ordinem reuelationi diuinae palam contrarium explicare?"

"episcopi nostri non iam inter amorem sexualem et amorem eroticum et amicitiam et dilectionem diuinam distinguunt--sexum et erota et philiam et agapen--sed omnia ea quae 'amoris' conceptui subiiciuntur sine discretione comprobant et benedicunt."

"maior pars (!) pastorum nostrorum...quam mortem sclopetariam magis populi opinionem timent."

"quae ecclesia temporum spiritui se subiicit ei ecclesiae euenit ut eam nemo obseruet." 

et fortasse sententia optima:

"'pompa ad gloriandum pertinens' prima, ut scimus, erat ex Paradiso generis humani expulsio."

sententia memoria digna

 

librorum titulo "Siri" lectionem nuper peregi, atque ex iis huic libri quarti sententiae arbitratus sum sapientiam magnam inesse: "uenatio numquam peragitur. nam si te custodire desieris momento temporis mutatur hoc quis uenationem agat."

id quod est lingua computatrali scribere et artes liberales

Iacobus Aestiuus qui lingua computatrali scribendi munere fungitur hic dicit "dum hoc scribo uxor mea progeniem primam nostram in utero fert tribus fere hebdomadibus partura. ego autem in munus lingua computatrali scribo sed antequam illa progenies tabula typographica scribere poterit lingua computatrali scribendi ars fortasse in quantum ei qui eam artem habet lucrosa sit in tantum mundo euanuerit."

interim artium liberalium studium hominem ita afficit ut is quae potentiae semper necessariae sunt eruntque eas potentias adipiscatur, quae potentiae etiam maxime ad humanitatem pertinent, inter quas sunt cogitare et eloqui et decernere ita ut homo artibus liberalibus institutus alia quae non liberalia sunt discere possit, ut Iulianus Quasneuius hic et Petrus Calcauagius hic disserit.

feminae contra feminismum

Birgitta Patriciana hic thesin exponit quomodo fieri possit ut femina eius quod est marito oboedire consilio se non terreri sed liberari sentiat.

Carola Gressa philosophiae doctrix hic disserit quae mala feminismo insint praesertim Marxismus goetiaque et quod munus femineum uerum est fructificare.

quae martyres hodie coluntur

 

de feminis religiosis quas monarchiae Francicae euersores interfecerunt hic et hic.

institutio liberalis

in hoc tractatu Ioannes Hotingus dissertat quid sit conseruatismus et quid sit cultus occidentalis et quod ad conseruandum cultum occidentalem institutio liberalis necessaria est et quomodo institutio liberalis ideologiam uincat et quod institutio liberalis habitum mentis philosophicum gignit quo habitu intuendis rebus atque admirando homo cogitare incipiat.

in hoc tractatu Aemilia Quilinia memorat quod institutioni liberali inest discendi causa discere et institutio liberalis ad uerumque pulchrumque bonumque fert et eo uocabulo quae est institutio liberalis dicitur institutio quae propter se est.

in hoc tractatu Marcus Langleius dicit institutione liberali quae ex litterarum studio constet nos ab ea seruitute qua rebus fauorem contemporaneum habentibus et animi motibus et loci uel aetatis uel populi moribus et errori seruiamus liberari. 

de institutione sententiae sunt hic quidem T.S. Elioti poetae hic autem Iacobi Maritani theologi. 

etiam de quibusdam duobus libris hic et professio hic.